Serra-Leoneda benzin tashuvchi mashina portlashi oqibatida yuzdan ortiq kishi halok bo‘ldi

Afrika g‘arbidagi Serra-Leone davlatida benzin tashuvchi mashina yuk mashinasi bilan to‘qnashib portlab ketdi. Portlash oqibatida yuzdan ortiq odam halok bo‘ldi, deb ma'lum qildi poytaxt Fritaun shahri meri Ivonn Aki-Saverr.

“Gap-so‘zlarga qaraganda, 100 dan ortiq odam halok bo‘lgan. Moddiy zarar miqdori ma'lum emas”, – dedi u.

Mahalliy OAVning ma'lumot berishicha, qurbonlar soni bir necha yuz kishini tashkil etishi mumkin. Gap shundaki, portlash odamlar to‘qnashuvga uchragan mashinadan tekin yonilg‘i olish uchun uning atrofiga to‘plangan vaqtda sodir bo‘lgan.

Ko‘plab odamlar jarohatlangan. O‘nlab binolarga shikast yetgan.