18:19 / 08.11.2021
1764

Daraxtga urilgan "Lasetti" haydovchisi bilan birga yonib ketgan 

Uychida tuman markazi tomonga harakatlangan "Lasetti" mashinasi harakat xavfsizligini ta'minlay olmay daraxtga urilishi oqibatida yonib ketgan. Bu haqda Namangan IIB matbuot xizmati xabar berdi. 

Foto: IIB axborot xizmati

4 noyabr kuni tungi soat 23:30 larda Uychi tumanida yashovchi 1992 yilda tug‘ilgan fuqaro "Lasetti" mashinasini Jiydakapa-Uychi-Chortoq avtomobil yo‘lining 4 km.da Uychi yo‘nalishi bo‘ylab boshqarib ketayotib, harakat xavfsizligini ta'minlay olmay, boshqaruvni yo‘qotib, yo‘lni chap tomonga chiqib ketgan va daraxtga urilgan. Oqibatda avtomashina yonib ketgan va haydovchi voqea joyida vafot etgan

Mazkur holat yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.  
Hozirda tergov harakatlari olib borilmoqda. 

Top