AQSh 2025 yildan kemalarini gipertovushli raketalar bilan jihozlashni boshlaydi

AQSh 2025 yildan Zumwalt sinfidagi esminetslarini, 2028 yildan esa Virginia sinfidagi atom suvosti kemalarini gipertovushli raketalar bilan jihozlashni boshlaydi. Bu haqda AQSh harbiy-dengiz kuchlari strategik tizimlar dasturi direktori, vitse-admiral Jonni Vulf ma'lum qildi.

AQSh harbiy-dengiz kuchlari tarkibida asosiy quroli 80ta Tomahawk qanotli raketasi bo‘lgan Zumwalt sinfidagi ikkita esminets va 12ta ana shunday raketani tashuvchi 19ta Virginia sinfidagi atom suvosti kemasi bor.

Vitse-admiralning ma'lumot berishicha, bu yil gipertovushli tizimlarning parvoz sinovlarini o‘tkazish davom ettiriladi. 

Uning so‘zlariga ko‘ra, 1 oktyabrda boshlangan 2022-moliyaviy yilda harbiy-dengiz kuchlari ikki marta gipertovushli raketalar sinovini o‘tkazishga tayyorlanmoqda.

U shuningdek, oktyabrda gipertovushli tizimlar uch marta sinovdan o‘tkazilganini eslatib o‘tdi.