Qashqadaryo viloyati IIB boshlig‘iga yangi o‘rinbosarlar tayinlandi

Polkovnik Sadirov Aziz Sirojiddinovich – Qashqadaryo viloyati IIB Yo‘l harakati xavfsizligi boshqarmasi boshlig‘i lavozimiga tayinlangan.

A.Sadirov mazkur tayinlovgacha Toshkent shahri IIB Yo‘l harakati xavfsizligi boshqarmasi boshlig‘ining o‘rinbosari lavozimida faoliyat yuritgan.

Podpolkovnik Toshev Jasur Xaqberdiyevich – Qashqadaryo viloyati IIB Patrul-post xizmati va jamoat tartibini saqlash boshqarmasi boshlig‘i lavozimiga tayinlangan.

J.Toshev mazkur tayinlovgacha Qashqadaryo viloyati IIB Patrul-post xizmati va jamoat tartibini saqlash boshqarmasi boshlig‘i o‘rinbosari lavozimida faoliyat yuritgan.

Eslatib o‘tamiz, ichki ishlar vaziri Po‘lat Bobojonov 24-26 noyabr kunlarida Qashqadaryoda bo‘lib viloyatdagi kriminogen holat bilan tanishgan. Jumladan, 24 noyabr kuni o‘tkazilgan yig‘ilishda viloyatdagi kriminogen vaziyat tahlil qilingan va jinoyatchilik ko‘p sodir etilayotgan tumanlardagi holat tanqid qilingan.