Fransiya sobiq ichki ishlar vaziri ikki yilga ozodlikdan mahrum etildi
Parij sudi Geanni politsiyaning gumondorlarni kuzatish harakatlari uchun ajratilgan fondidan o‘ziga va IIVning boshqa xodimlariga har oyda noqonuniy ravishda mukofot yozganlikda aybdor deb topdi.
Fransiya sobiq ichki ishlar vaziri Klod Gean noqonuniy ravishda mukofotlar to‘laganlikda aybdor deb topilib qamoqqa olindi. Bu haqda LCI telekanali xabar bermoqda.
Parij sudi Geanni politsiyaning gumondorlarni kuzatish harakatlari uchun ajratilgan fondidan o‘ziga va IIVning boshqa xodimlariga har oyda noqonuniy ravishda mukofot yozganlikda aybdor deb topdi.
2002-2004 yillar davomida to‘langan mablag‘ miqdori 210 ming yevroni tashkil etganligi aniqlangan. Fonddan har oyda 10 ming yevrodan olingan, uning yarmini Gean o‘ziga olib qolgan, yarmini esa uch nafar yordamchisiga bergan.
Sud unga ikki yillik qamoq (bir yili shartli) va 75 ming yevro jarima belgiladi. Bundan tashqari, unga besh yil davomida davlat lavozimlarini egallash taqiqlandi.
Klod Gean 2002 yilda ichki ishlar va iqtisodiyot vazirliklarida Nikolya Sarkozi ma'muriyati direktori bo‘lgan, 2011-2012 yillarda ichki ishlar, dengizorti hududlari, mahalliy boshqaruv va immigratsiya vaziri lavozimida ishlagan.
Mavzuga oid
20:45 / 30.09.2024
Fransiyada Marin Le Pen ustidan sud boshlandi
20:25 / 22.09.2024
Fransiyada uzoq muddatli siyosiy inqirozdan keyin yangi hukumat tasdiqlandi
21:36 / 21.09.2024
Fransiyada talabalar arxeologik qazish ishlari davomida 200 yillik maktubni topdi
12:10 / 21.09.2024