Armaniston Turkiya bilan diplomatik munosabatlar o‘rnatilishi va chegaralar ochilishini kutayotganini bildirdi
14 yanvar kuni Moskvada Armaniston va Turkiya maxsus vakillarining muloqot o‘rnatish bo‘yicha birinchi uchrashuvi bo‘lib o‘tadi.
Armaniston va Turkiya maxsus vakillari ishtirokidagi muloqot natijasida diplomatik munosabatlar o‘rnatilishi va chegaralar ochilishi kutilmoqda. Bu haqda Armaniston tashqi ishlar vazirligi matbuot kotibi Vaan Unanyan ma’lum qildi.
"Jarayon natijasida Armaniston va Turkiya o‘rtasida diplomatik munosabatlar o‘rnatilishi, 90-yillarda Turkiya tomonidan bir tomonlama tartibda yopib qo‘yilgan chegaralar ochilishini kutmoqdamiz", - dedi u.
Unanyan Armaniston va Turkiya maxsus vakillarining muloqot o‘rnatish bo‘yicha 14 yanvar kuni Moskvada bo‘lib o‘tadigan birinchi uchrashuvi tanishuv tusida bo‘lishini aytdi.
"Armaniston va Turkiya maxsus vakillari uchrashuvi mazmuniga ko‘ra tanishuv tusida bo‘ladi. Birgina uchrashuv natijasida sezilarli natijalarga erishilishini kutmaslik kerak, ammo bu jarayonga start beriladi", - dedi Armaniston tashqi ishlar vazirligi vakili.
Avvalroq Turkiya tashqi ishlar vaziri Mavlut Chovusho‘g‘lu Turkiya va Armaniston charter reyslarini tiklashini ma’lum qilgandi.
Mavzuga oid
20:10 / 02.10.2024
O‘zbekistonlik xokkeychilar ilk marotaba jahon chempionatida ishtirok etadi
20:16 / 27.09.2024
Armaniston Boku bilan tinchlikka erishish uchun Konstitutsiyasini o‘zgartirishga tayyor
20:33 / 18.09.2024
Armanistonda davlat to‘ntarishiga urinishning oldi olindi
00:10 / 10.09.2024