Sirdaryo tumani hokimining ukasi akasi ishlayotgan tumanda hokim o‘rinbosari bo‘ldi.
Sirdaryo viloyati yangiliklarini yorituvchi “Sirdaryo Xabarlari” kanalida xabar berilishicha, Sirdaryo viloyatida to‘rt nafar bank filiali boshqaruvchisi “Hokim yordamchisi” lavozimiga tayinlangan.
Ular:
- “Agro bank” Boyovut tumani boshqaruvchisi Yuldashev Jamshid Jumaboyevich (Boyovut tumani Mirishkor mahallasi);
- “Agro bank” Guliston tumani boshqaruvchisi Bekboyev Zuhriddin Jahongirovich (Guliston tumani Soyibobod mahallasi);
- “Xalq banki” Oqoltin tumani boshqaruvchisi Boyto‘rayev Zafar Mavlonovich (Oqoltin tumani Obod mahallasi);
- “Mikrokreditbank” Sirdaryo tumani boshqaruvchisi Mirzaqulov Olimjon Kazakbayevich (Sirdaryo tumani Oq yo‘l mahallasi).
Ma’lumot uchun, Sirdaryo tumani hokimi Mirzaqulov Botirjon Kazakbayevich. Endi uning ukasi Mirzaqulov Olimjon Kazakbayevich shu tumandagi Oq yo‘l mahallasida hokim yordamchisi vazifasida ishlaydi.
Eslatib o‘tamiz, 2021 yil noyabr oyida ijtimoiy tarmoqlarda hokim yordamchisi lavozimiga o‘tishga birinchi navbatda bank filiallari rahbarlari majburlanayotgani haqida postlar qo‘yilgan va bu keng muhokamalarga sabab bo‘lgandi.
