Ijtimoiy tarmoqlar – fuqarolar öz fikrini bildiradigan: tanqid qiladigan, maqtaydigan, şikoyat qiladigan yoki noliydigan, xullas, emotsiyalari-yu, qaraşlarini bemalol ifoda etadigan platformalarga aylanib ulgurdi.

Tarmoqlarda biror muammo kötarilganda #surishkerak degan şiorlar bilan fikr bildiriş esa bir neça yildan beri şakllangan an’anaga aylandi.

Sabablar haqida qisqaça

Odatda, bu ibora biror bir jiddiyroq muammo kötarilganda odamlar tomonidan oxirgi iloj çetga ketib öşa yerda yangi hayot boşlaş kerak, degan ma’noda işlatiladigan bölib qoldi. Ijtimoiy tarmoq foydalanuvçilarining fikrlariga köra, quyidagi asosiy sabablar suriş fikriga kelişga sabab bölişi mumkin:

  • qonunlar yetarliça işlamasligi;
  • korrupsiya;
  • nepotizm;
  • qadrsizlangan aqliy mehnat;
  • monopoliyalar;
  • işsizlik, maoşlar kamligi.

“Ertaklarda hayvonlar Susambil degan ajoyib diyorni izlab ketgani kabi odamlarda ham çetga ketiş – suriş iştiyoqi uyğongan”, deydi Facebook faollaridan biri.

“Amerika ovozi” jurnalisti, öqiş sabab çet elga ketgan va AQŞda işlayotgan vatandoşimiz Behzod Mamadiyevning fikriça, rivojlanayotgan davlatlardan rivojlangan davlatlarga migratsiya kayfiyati şakllanişining 2ta sababi bor:

— ijtimoiy-siyosiy;
— iqtisodiy, ya’ni tirikçilik dardi.

“Rivojlanayotgan davlatlarda pul topiş imkoniyati qiyinroq bölgani uçun odamlar rivojlangan davlatlarga intilişadi. Hatto Yevropaning bir hududidan boşqa rivojlangan hududlariga migratsiya qiliş ham tabiiy holat. Ijtimoiy-siyosiy omil deganda esa erkinlikni nazarda tutdim. Inson işiga erkin borib kelsa, vijdon erkinligi ta’minlangan bölsa, özini erkin his qilişi mumkin.

Yana ba’zilar moddiy tomondan imkoniyati yaxşi bölsa-da, farzandlarini tarbiyalaş uçun çetga ketişi mumkin”, deydi Behzod Mamadiyev.

“#surishkerak trendi turli muammolar bilan köndalang qöyilyapti, lekin bu – tabiiy jarayon”