Polshaga AQShning qo‘shimcha qo‘shinlari yetib keldi

Avvalroq AQSh Germaniya, Polsha va Ruminiyaga qo‘shimcha 3 ming harbiy yuborishi haqida ma’lum qilingandi.

Foto: Reuters

Polshaga bortida amerikalik harbiylar bo‘lgan birinchi samolyot kelib qo‘ndi, deb xabar berdi Polsha radiosi.

Xabarga ko‘ra, samolyot Polsha janubi-sharqidagi Jyeshuv-Yasenka aeroportiga qo‘ngan.

Dastlab ikkinchi samoyot shanba kuni mahalliy vaqt bilan soat 14:00larda kelishi rejalashtirilgandi, ammo keyinroq AQSh reysni yakshanbaga ko‘chirishga qaror qildi.

Avvalroq Pentagon AQSh Germaniya, Polsha va Ruminiyaga qo‘shimcha 3 ming harbiy yuborishi haqida ma’lum qilgandi.

Pentagon matbuot kotibi Jon Kirbi ular Ukraina hududiga joylashtirilmasligi, shuningdek, Polsha va Ruminiyaga doimiy asosda emas, «mavjud vaziyatga javob» sifatida vaqtinchalikka jo‘natilayotganini ta’kidlagan.

Tayyorlagan: Дилшод Аскаров

#AQSh #Polsha