14:39 / 10.02.2022
6426
Ливия бош вазирига суиқасд уюштирилди

Аввалроқ Абдул Ҳамид ал-Дабайба парламентнинг янги бош вазир тайинлаш тўғрисидаги қарорини рад этганди.

Абдул Ҳамид ал-Дабайба / Фото: CGNT

Ливия пойтахти Триполи шаҳрида мамлакат бош вазири Абдул Ҳамид ал-Дабайба ўтирган автомобил номаълум шахслар томонидан ўққа тутилди. Бу ҳақда Al-Arabiya хабар берди.

Хабарда айтилишича, автомобилга бир нечта ўқ теккан.

Фото: Al-Arabiya

Ҳужум уюштирганлар ҳозирча қўлга олинмаган.

Аввалроқ Абдул Ҳамид ал-Дабайба парламентнинг янги бош вазир тайинлаш тўғрисидаги қарорини рад этганди.

Ал-Дабайба сайловлар ўтказишни хоҳлаётганини, аммо аввал парламент олий давлат кенгаши билан келишиши кераклигини айтган. У "ҳақиқий сайловлар" ўтказилмагунича лавозимини тарк этмаслигини билдирган.

Top