17:46 / 14.04.2022
4696
Илон Маск Twitter ижтимоий тармоғини сотиб олмоқчилигини билдирди

Аввалроқ Маск Twitter компаниясининг 9,2 фоиз акциясини сотиб олганди.  

Фото: AP

Америкалик миллиардер Илон Маск Twitter ижтимоий тармоғини 41,4 млрд долларга сотиб олмоқчи, деб хабар берди Ғарб ОАВ. 

Маълумотларга кўра, Tesla компанияси раҳбари ҳар бир акцияни 54,20 доллардан сотиб олишини билдирган. 

"Бу менинг энг яхши ва сўнгги таклифим", - деган Маск.

2 апрел куни Маск Twitter компаниясининг 9,2 фоиз акциясини сотиб олгани маълум бўлганди. У компаниянинг энг йирик акциядорига айланган.

Tesla раҳбарининг сўзларига кўра, у Twitter "бутун дунёда эркин фикр билдириш учун платформа бўла олиши"га ишонади.

Аввалроқ Илон Маск Twitter директорлар кенгаши таркибидан ўрин олишга рози бўлмаганди

Top