15:42 / 04.05.2022
6102
АҚШдан Европага нефт экспорти ҳажми охирги олти йилдаги энг юқори кўрсаткичга етди

Евроиттифоқ Россия нефти ва газига қарамликдан қутулишга уринмоқда ва муқобил манбаларни изламоқда.

Фото: AP

Апрел ойида АҚШдан Европага хом нефт экспорти ҳажми охирги олти йилдаги максимум кўрсаткичга етди, деб хабар берди Bloomberg агентлиги.

Агентликнинг ёзишича, Европага Техас ва Луизианадаги йирик терминаллардан қарийб 50 млн баррел нефт жўнатилган. Бу Мексика кўрфазидан хорижга жўнатилган жами нефтнинг деярли ярмига тенг. 

Халқаро энергетика агентлиги апрел ойида АҚШда нефт қазиб олиш ҳажми ошишини тахмин қилганди. 

Евроиттифоқ Россия нефти ва газига қарамликдан қутулишга уринмоқда ва муқобил манбаларни изламоқда. Россияга қарши санкцияларнинг олтинчи пакетига Россия нефти импортига эмбарго қўйиш чораси киритилган.

Top