Armaniston muxolifati Yerevan markaziy ko‘chalarini to‘sa boshladi

Muxolifat faollaridan iborat guruhlar Armaniston bosh vaziri Nikol Pashinyanning iste’fosini talab qilib Yerevandagi markaziy ko‘chalarni to‘sa boshladi.

"Bizda hukumat bilan muzokaralar o‘tkazish uchun bitta mavzu bor – hukumatning tezda iste’foga chiqishi", - dedi parlament vitse-spikeri Ishxan Sagatelyan.

Armaniston milliy xavfsizlik xizmati sobiq rahbari Artur Vanetsyan boshchiligidagi muxolifat faollaridan tashkil topgan yana bir guruh mamlakat tashqi ishlar vazirligi binosi oldida to‘plandi.

Muxolifat Yerevan markazidagi Fransiya maydonida katta miting o‘tkazishni rejalashtirmoqda.

Parlament vitse-spikeri Ishxan Sagatelyan 25 apreldan butun Armanistonda to‘xtovsiz norozilik namoyishlari boshlanishini e’lon qilgandi.