«Aeroflot» Moskvadan Toshkentga parvozlarni tiklamoqda

20 maydan boshlab Rossiyaning «Aeroflot» aviakompaniyasi Moskvadan (Sheremetevo) Toshkentga va teskari yo‘nalishda to‘g‘ridan to‘g‘ri muntazam reyslarni yo‘lga qo‘yadi, deyiladi kompaniya saytida.

Parvozlar har kuni quyidagi jadvalga muvofiq amalga oshiriladi:

Moskva - Toshkent
jo‘nab ketish — 19:45; yetib kelish - 01:45.

Toshkent - Moskva
jo‘nab ketish — 03:45; yetib kelish - 06:10.

«Aeroflot»ning Moskvadan to‘g‘ridan to‘g‘ri reyslari yo‘lga qo‘yilishi munosabati bilan 21 maydan «Rossiya» aviakompaniyasining Sochidan Toshkentga parvozlari bekor qilindi. Yo‘lovchilar Moskvadan reyslarga qayta ro‘yxatdan o‘tkaziladi.

Bundan oldin Yevrokomissiya Rossiyaning 20ta aviakompaniyasini qora ro‘yxatga kiritgandi.
 
Ro‘yxatdan «Aeroflot», «Pobeda», «Rossiya», Utair, Smartavia, Nord Wind, «Uralskiye Avialinii», «Sibirskiye avialinii» kabi aviakompaniyalar o‘rin oldi.