6 oyda o‘zbekistonliklar turistik maqsadda eng ko‘p Qirg‘izistonga chiqib ketgan

Qo‘mita ma’lumotiga ko‘ra, 2022 yilning 1 iyul holatiga 2,1 mln O‘zbekiston Respublikasi fuqarolari turistik maqsadlarda xorijga safar qilgan.

O‘zbekistonliklar turistik maqsadlarda eng ko‘p safar qiladigan davlatlar orasida Qirg‘iziston yetakchilik qilyapti – 1 mln nafar.

Ushbu ko‘rsatkich qolgan davlatlar kesimida quyidagicha ko‘rinish oldi:

• Qozog‘iston – 336 ming nafar; 
• Tojikiston – 284 ming nafar;
• Turkiya – 131 ming nafar;
• Rossiya – 105 ming nafar;
• BAA – 58 ming nafar;
• Saudiya Arabistoni – 50 ming nafar;
• Misr – 21 ming nafar;
• Janubiy Koreya – 6 ming nafar;
• AQSh – 6 ming nafar;
• Kuvayt – 5 ming nafar;
• Hindiston – 5 ming nafar.