Uzbekistan Airways авиакомпанияси Тошкент - Лондон - Тошкент йўналиши бўйича авиақатновлар сони оширилганини маълум қилди.
Фото: Kun.uz
Қайд этилишича, ҳозирги кунга қадар Буюк Британия пойтахтига қатновлар ҳафтада 2 марта – сешанба ва жума кунлари амалга оширилаётган эди.
Uzbekistan Airways жорий йилнинг 21 августидан ушбу халқаро йўналишда якшанба кунлари қўшимча қатновларни йўлга қўяди.
Авиачипталарни www.uzairways.com расмий сайтида 3 фоиз чегирма билан, Uzbekistan Airways Sales филиалида ва авиакомпания агентларидан харид қилиш мумкин.
