Tayvan Xitoyning harbiy mashg‘ulotlari tufayli o‘nlab aviareyslarni bekor qildi
Xitoy xalq-ozodlik armiyasi AQSh Kongressi Vakillar palatasi spikeri Nensi Pelosining orolga tashrifiga javoban Tayvanga yaqin hududda havo va dengiz harbiy mashg‘ulotlarini boshladi.
Xitoy harbiy mashg‘ulotlar o‘tkazayotgani tufayli 4 avgust kuni Tayvan hukumati kamida 40ta aviareysni bekor qildi, deb xabar berdi Associated Press.
Agentlikning ma’lumot berishicha, bu butun dunyodagi telekommunikatsiya va avtomobil kompaniyalari uchun zarur bo‘lgan protsessor chiplarini yetkazib berish bilan bog‘liq uzilishlar xavfini kuchaytiradi.
Hozirda Tayvan kompaniyalari tashqi dunyo bilan savdo aloqalari uzilishiga tayyorlanmoqda, dedi tayvanlik ishlab chiqaruvchilar bilan uchrashgan iqtisodchi Alisiya Garsiya Errero.
«Ular buyurtmalarni qayta jo‘natish yoki buyurtmalarni kechiktirish haqida o‘ylamoqda», — dedi u.
Xitoy xalq-ozodlik armiyasi 4 avgust, payshanba kuni AQSh Kongressi Vakillar palatasi spikeri Nensi Pelosining orolga tashrifiga javoban Tayvanga yaqin hududda havo va dengiz harbiy mashg‘ulotlarini boshladi. Mashqlar 7 avgustga qadar o‘tkaziladi, ular doirasida aniq nishonlarga o‘q otish rejalashtirilgan.
Mavzuga oid
18:48
Xitoydan Qirg‘iziston orqali o‘tadigan temir yo‘lning O‘zbekistondagi qismi qachon qurilishi ma’lum bo‘ldi
21:44 / 27.09.2024
Tanzila Norboyeva Butunxitoy qo‘mitasi raisi bilan uchrashdi
12:50 / 27.09.2024
Xitoyda eng yangi atom suvosti kemasi cho‘kib ketdi
12:00 / 27.09.2024