20:07 / 05.08.2022
11126

Toshkentning Seul ko‘chasidagi biznes markaz qurilishida yong‘in chiqdi

5 avgust kuni Toshkent shahar Chilonzor tumani Seul ko‘chasida joylashgan, 12 qavatga mo‘ljallangan, qurilishi tugallanmagan binoda yong‘in sodir bo‘ldi.

Foto: KUN.UZ

Favqulodda vaziyatlar vazirligi xabariga ko‘ra, shahar FVBga yong‘in haqida soat 18:23 da xabar kelib tushgan. 4 ta yong‘in-qutqaruv ekipaji va 2 ta avtonarvon voqea joyiga soat 18:28 da yetib borib, yong‘in soat 18:44 da o‘chirilgan.

“Dastlabki ma’lumotlarga ko‘ra, yong‘in natijasida binoning 2-qavatida 140 kv.m. maydonda qurilish mahsulotlari yonib zararlangan.

Yong‘in oqibatida fuqarolarning tan jarohati olish va halok bo‘lish holatlari yo‘q.

Hozirda yong‘inning kelib chiqish sababi va keltirilgan moddiy zarar miqdori aniqlanmoqda”, – deyiladi xabarda.

Qo‘shimcha qilinishicha, hodisa joyiga FVB rahbariyati, IIB va SSB xodimlari yetib borgan.

Mavzuga oid
Top