«Amir Temurning strategik yetakchiligi: Tuzuklarga sharhlar» kitobi 6 tilga tarjima qilindi

Ilgari kitob rus, o‘zbek va polyak tillarida nashr etilgan va uning keng taqdimoti Rossiya, O‘zbekiston va Polshada o‘tkazilgan edi. Endi bu asarni qirg‘iz, ingliz va xitoy tillarida ham o‘qish imkoni tug‘ildi.

Kitob buyuk sarkarda va atoqli davlat arbobi, strateg Amir Temur ijodining qayta chop etilgan faksimil nusxasi hisoblanadi.

Kitobda «Temur tuzuklari»dagi davlat arboblari, yetakchi-strateglar va strategik o‘qitish bo‘yicha mutaxassislar uchun qiziqarli deb hisoblangan qismlar qisqacha mazmuni bayon qilingan va sharhlangan.

Asar Amir Temur tajribasini ommalashtirishni maqsad qilgan bo‘lib, davlat rahbarlariga davlat, harbiy va xo‘jalik boshqaruvida yordam beradi.