TTA kontrakti 1-kurs talabalari uchun keskin oshadi

Uning so‘zlariga ko‘ra, akademiyada kontrakt faqat 1-kursga qabul qilinayotgan talabalar uchun oshirilgan. Qolgan kurslarda o‘qiyotgan talabalar yo‘nalishlar kesimida hukumat belgilaydigan bazaviy kontrakt miqdorini to‘laydi.

1-kurslar uchun kontrakt miqdori oshirilishi TTAga akademik mustaqillik berilgani, keyingi 3 yilda kontrakt miqdori o‘zgarishsiz 9,1 mln so‘m bo‘lgani, bu vaqt mobaynida esa inflatsiya davom etgani bilan izohlandi.

“Moliyaviy mustaqillik berilganidan keyin, har bir talabaga o‘rtacha xarajat miqdorini aniqlaydigan nizom bor. Unga ko‘ra, tushgan pullar, avvalo, TTA professor-o‘qituvchilariga oylik maosh sifatida, qolaversa, o‘quv laboratoriyalari sifatini oshirish, axborot texnologiya vositalari, infratuzilma uchun mo‘ljallangan.

Hozirgi kungacha TTA o‘quv jihozlari, infratuzilmasi, laboratoriya va talabalar turar joylarini ta’mirlash yetarli darajada bo‘lmagan. Keyingi yilda talabalar turar joylaridagi o‘rinlar soni 1,5 mingtadan 3,5 mingtaga ko‘paytirilyapti”, – degan prorektor.

Ma’lumot uchun, ijtimoiy tarmoqlarda TTA kontrakti 19 mln 430 ming so‘m etib belgilanishi kutilayotgani haqida xabarlar tarqalmoqda. Shuhrat Boymurodov o‘z murojaatida tasdiqlamagan ham, inkor ham etmagan.