Buyuk Britaniyada 50 ming nafar transport xodimlari ish tashlash o‘tkazmoqda

Buyuk Britaniyada transport xodimlarining ish tashlashi oqibatida butun mamlakat bo‘yicha poyezdlarning qariyb 90 foizi to‘xtadi, deb xabar berdi AFP agentligi.

The Guardian gazetasi 1 oktyabr kuni boshlangan ish tashlashni oxirgi o‘n yillikdagi eng yirik ish tashlash deb atadi – unda temiryo‘l, dengiz va boshqa turdagi transport sohasida ishlaydigan 50 ming nafar xodim qatnashmoqda. 

Mamlakatda reyslarning 11 foizga yaqini ishlaydi va Londondan Birmingem, Manchester, Edinburg, Liverpul, Nyukasl, Brayton va Norvich kabi yirik shaharlarga to‘g‘ridan to‘g‘ri poyezdlar bo‘lmaydi. Alohida kasaba uyushmalarining ish tashlashlari 5 oktyabr va 8 oktyabr kunlari qayta o‘tkazilishi kutilmoqda.

Xodimlar oylik maoshlari inflatsiya o‘sishiga muvofiq oshirilishini talab qilishmoqda. Hukumat bilan o‘tkazilgan muzokaralarga qaramasdan, kasaba uyushmalari kelishuvga erisha olmadi, deb yozadi The Financial Times.