Sentyabrda iste’mol sektoridagi tovarlar va xizmatlar narxi qanchaga oshgani ma’lum bo‘ldi

Davlat statistika qo‘mitasi ma’lumotlariga ko‘ra, 2022 yilning sentabr oyida iste’mol sektoridagi tovarlar va xizmatlar narxi o‘rtacha 1 foizga oshgan. 

Qayd etilishicha, yillik o‘sishda iste’mol narxlari indeksining o‘sish darajasi 12,2 foizga yetdi. 

2022 yilning sentabr oyida narxlar va tariflar o‘sishida yetakchi o‘rinlarni oziq-ovqat mahsulotlari egallab, oy davomida ularning narxlari o‘rtacha 1,4 foizga oshdi.

Ma’lum qilinishicha, shu davrda nooziq-ovqat tovarlari narxlari 0,7 foizga va aholiga pulli xizmatlar ko‘rsatish 0,8 foizga oshgan.