Ukraina xavfsizlik xizmati rossiyalik oligarxning kompaniyasiga tegishli 2 milliard grivinlik (55 million dollar) mahsulotni musodara qilganini xabar qildi.
Gap Ukraina portlarida joylashgan Rossiya omborlaridan musodara qilingan temir rudasi haqida ketmoqda: «Topilgan temir rudasi Kremlga yaqin oligarxlardan biri Alisher Usmonov kompaniyasiga tegishli», deyiladi xabarda.
Xabarda aytilishicha, temir rudasini Rossiyaga olib ketish va harbiy ishlab chiqarish kompleksiga topshirish maqsad qilingan.