10:05 / 13.02.2023
13050

Zilzila oqibatida Turkiya iqtisodiyotiga yetkazilgan zarar 84 milliard dollardan oshishi mumkin

Turkiyada turar joy binolariga yetkazilgan zarar 70,8 milliard dollarni tashkil etgan. Zilzila oqibatlari mamlakat budjeti daromadlarining 10,4 milliard dollarga kamayishiga olib keladi, mehnat yo‘qotishlari esa Turkiya iqtisodiyotiga 2,9 milliard dollar ziyon yetkazadi.

Foto: karar.com

Turkiyadagi zilzilalar mamlakat iqtisodiyotiga 84 milliard dollar yoki mamlakat YaIMning qariyb 10 foizi miqdorida zarar yetkazishi mumkin. Bu haqda Bloomberg Turkiya tadbirkorlar konfederatsiyasi va respublika ishbilarmon doiralari vakillarining hisob-kitoblariga asoslanib xabar bermoqda.

Ishbilarmonlar guruhi ma’lumotlariga ko‘ra, turar joy binolariga yetkazilgan zarar 70,8 milliard dollarni tashkil etgan. Zilzila oqibatlari mamlakat budjeti daromadlarining 10,4 milliard dollarga kamayishiga olib kelishi mumkin, ishchi kuchi miqdorining qisqarishi esa Turkiya iqtisodiyotiga 2,9 milliard dollar ziyon keltiradi.

Avvalroq, 8 fevral kunidan boshlab Turkiya fond birjasi 24 yil ichida birinchi marta savdolarni 14 fevralga qadar to‘xtatgani xabar qilingandi.

Mavzu
Turkiyada vayronkor zilzila
6 fevral tongida Turkiya janubi-sharqida ro‘y bergan 7,8 balli zilzila minglab odamlarni hayotdan olib ketdi.
Barchasi
Top