Ukraina Rossiyaning 33 fuqarosi va 225 kompaniyasiga qarshi sanksiya kiritdi

Ukraina Rossiyaning 225 kompaniyasi va Rossiya Federatsiyasining 33 fuqarosiga qarshi 10 yil muddatga sanksiyalar kiritdi. Mamlakat prezidenti Volodimir Zelenskiyning tegishli farmoni davlat rahbari saytida e’lon qilingan. 

Cheklovlar aktivlarni muzlatish, litsenziyani bekor qilish, savdoni to‘xtatish va boshqa choralarni o‘z ichiga oladi.

«Yevrobarometr» so‘nggi ma’lumotlariga ko‘ra, Yevropa aholisining 74 foizi Rossiyaga qarshi iqtisodiy sanksiyalarni qo‘llab-quvvatlaydi. Bu haqda Rheinische Post gazetasi xabar bergan.
 
Respondentlarning 65 foizi Ukrainaga qurol-yarog‘ va boshqa harbiy yordam yetkazilishini yoqlaydi. YeIdagi aksariyat fuqarolar Yevropa Ittifoqi tomonidan Rossiyaning Ukrainadagi agressiv urushiga qarshi ko‘rilayotgan choralardan mamnun. 

Biroq so‘ralganlarning 80 foizi Yevroittifoq davlatlaridan qurol sotib olishda o‘z harakatlarini yaxshiroq muvofiqlashtirishni ham talab qilgan.