Qoʻshimcha funksionallar
-
Tungi ko‘rinish
Malayziya O‘zbekistonda dronlar ishlab chiqarishni boshlashi mumkin
O‘zbekiston Oliy ta’lim, fan va innovatsiyalar vazirligi, «Navoiy» Maxsus iqtisodiy zona direksiyasi» vakillari va Malayziyaning uchuvchisiz boshqariladigan apparatlarni (dronlar) ishlab chiqarishga ixtisoslashgan bir qator yetakchi kompaniyalari o‘rtasida onlayn uchrashuvlar tashkil etildi, deb xabar bermoqda «Dunyo».
Foto: Kun.uz
Mazkur tadbirlar chog‘ida O‘zbekistonda qishloq xo‘jaligi va sanoat sohalarida foydalanish uchun dronlar ishlab chiqarish tizimini yo‘lga qo‘yish bo‘yicha hamkorlik masalalari muhokama qilindi.
Malayziya kompaniyalari tomonidan ishlab chiqariladigan dronlar to‘g‘risida ma’lumot taqdim etildi. Xorij tomoni qishloq xo‘jaligi uchun mo‘ljallangan AGRI seriyalaridagi dasturiy ta’minot bilan integratsiyalashgan purkagich dronlari, Octocopter seriyali kurer dronlari va UGV-Unmanned Ground Vehicle kabi dronlarning texnik ko‘rsatkichlari bo‘yicha taqdimot o‘tkazdi.
Ushbu mamlakatning Alphaswift, Meraque va Aonis kompaniyalari O‘zbekistonda dronlar ishlab chiqarish loyihasini amalga oshirish istiqbollarini o‘rganib chiqishga qiziqish bildirdi.
Uchrashuvlar natijasida hamkorlikda mamlakatda dronlar ishlab chiqarish investitsiya loyihasini amalga oshirishning huquqiy asos va imkoniyatlarini o‘rganish, loyihalar texnik parametrlarini ishlab chiqish bo‘yicha kelishuvga erishildi.
Mavzuga oid
10:47 / 11.11.2024
Rossiya 145 ta dron bilan Ukrainaning yirik shaharlariga hujum qildi
10:58 / 07.11.2024
Xitoyda 158 km magistral yo‘l dronlar yordamida qurildi
17:36 / 04.11.2024
Britaniyalik olimlar “asab tizimi”ga ega dronlarni sinovdan o‘tkazmoqda
10:10 / 29.10.2024