Yevropa komissiyasi rahbari Ursula fon der Lyayyen Kiyevga tashrif buyurdi. Bu haqda DW xabar bermoqda.
"Kiyevga qaytish juda yoqimli. U yerda biz qadrlaydigan qadriyatlar har kuni himoya qilinadi. Shuning uchun bu Yevropa kunini nishonlash uchun munosib joy", - deb xabar berdi fon der Lyayyen o‘zining Twitter sahifasida.
Ursula fon der Lyayyen Ukraina prezidenti Volodimir Zelenskiy bilan uchrashadi.
Tashrif Yevropa Ittifoqi va Ukraina o‘rtasidagi munosabatlarning barcha jabhalariga, jumladan, uning YeIga kirish jarayoniga bag‘ishlanadi. Xavfsizlik nuqtayi nazaridan Bryussel fon der Lyayyenning safari, shuningdek, Ukrainaga avvalgi tashriflari tafsilotlarini oshkor etmayapti.
Avvalroq Bryussel Kiyevning 9 mayni Ukrainada Yevropa kuni sifatida belgilash haqidagi qarorini olqishlagandi.
