O‘zbekiston TIV rahbari Qozog‘iston elchixonasiga tashrif buyurdi

12 iyun kuni O‘zbekiston tashqi ishlar vaziri Baxtiyor Saidov Qozog‘istonning Toshkentdagi elchixonasiga tashrif buyurdi. Bu haqda TIV matbuot xizmati xabar berdi.

Foto: Facebook / BaxtiyorOdilovichSaidov

Vazirlik ma’lumotiga ko‘ra, Baxtiyor Saidov Abay viloyatida sodir bo‘lgan kuchli o‘rmon yong‘inlari oqibatida halok bo‘lganlarning oila a’zolari va yaqinlariga chuqur hamdardlik bildirgan.

12 iyun kuni Shavkat Mirziyoyev Qozog‘iston prezidenti Qosim-Jo‘mart To‘qayev bilan telefon orqali muloqot qilgan edi.

Suhbat chog‘ida O‘zbekiston tomonining tabiiy ofatga qarshi kurashish va uning oqibatlarini bartaraf etishda barcha zarur yordamni ko‘rsatishga tayyorligi qayd etildi.