Qozog‘iston va O‘zbekiston chegarasida navbatlar yuzaga keldi

Haydovchilarga mavjud vaziyatdan kelib chiqib, yo‘nalishlarini o‘zgartirish tavsiya etildi.

Foto: Ijtimoiy tarmoqlar

Milliy xavfsizlik qo‘mitasi (MXQ) Qozog‘istonning Rossiya, Qirg‘iziston va O‘zbekiston bilan chegarasidagi vaziyatga izoh berdi. Ayrim hududlarda odamlar va mashinalar to‘planib qolgan, deb xabar qilmoqda Orda.

“Qozog‘iston-Rossiya chegarasi, Qozog‘iston-Qirg‘iziston chegarasi va Qozog‘iston-O‘zbekiston chegarasining ayrim yo‘nalishlarida (Jibek-Jo‘li – G‘isht-Ko‘prik, Qozigurt – Toshkent, Atameken – Guliston o‘tkazish punktlari) fuqarolar va transport vositalari to‘planishi kuzatilyapti”, — deyiladi MXQ xabarida.

Idora mavjud vaziyatning asosiy sabablarini keltirdi:

ko‘rsatilgan yo‘nalishlar bo‘yicha o‘tkazish punktlarini qisman rekonstruksiya qilish;
meva-sabzavot mahsulotlarini tashish davrida kiruvchi transportning mavsumiy o‘sishi;
transport tashkilotlarining tranzit salohiyatini oshirish;
turistik mavsumda yo‘lovchilar oqimining an’anaviy ortishi.

Bundan tashqari, MXQ chegara xizmati Qozog‘iston nazorat-o‘tkazish punktlari kecha-yu kunduz ishlayotganini ta’kidladi.

“Transport vositalarini ko‘rikdan o‘tkazish va chegaradan o‘tayotgan shaxslarning hujjatlarini tekshirishning zamonaviy va avtomatlashtirilgan tizimlarini qo‘llash orqali odamlar va transport vositalarining to‘planishini kamaytirish choralari ko‘rilmoqda”, - deya qo‘shimcha qildi mahkama.