Ҳайдовчиларга мавжуд вазиятдан келиб чиқиб, йўналишларини ўзгартириш тавсия этилди.
Миллий хавфсизлик қўмитаси (МХҚ) Қозоғистоннинг Россия, Қирғизистон ва Ўзбекистон билан чегарасидаги вазиятга изоҳ берди. Айрим ҳудудларда одамлар ва машиналар тўпланиб қолган, деб хабар қилмоқда Orda.
“Қозоғистон-Россия чегараси, Қозоғистон-Қирғизистон чегараси ва Қозоғистон-Ўзбекистон чегарасининг айрим йўналишларида (Жибек-Жўли – Ғишт-Кўприк, Қозигурт – Тошкент, Атамекен – Гулистон ўтказиш пунктлари) фуқаролар ва транспорт воситалари тўпланиши кузатиляпти”, — дейилади МХҚ хабарида.
Идора мавжуд вазиятнинг асосий сабабларини келтирди:
- кўрсатилган йўналишлар бўйича ўтказиш пунктларини қисман реконструкция қилиш;
- мева-сабзавот маҳсулотларини ташиш даврида кирувчи транспортнинг мавсумий ўсиши;
- транспорт ташкилотларининг транзит салоҳиятини ошириш;
- туристик мавсумда йўловчилар оқимининг анъанавий ортиши.
Бундан ташқари, МХҚ чегара хизмати Қозоғистон назорат-ўтказиш пунктлари кеча-ю кундуз ишлаётганини таъкидлади.
“Транспорт воситаларини кўрикдан ўтказиш ва чегарадан ўтаётган шахсларнинг ҳужжатларини текширишнинг замонавий ва автоматлаштирилган тизимларини қўллаш орқали одамлар ва транспорт воситаларининг тўпланишини камайтириш чоралари кўрилмоқда”, - дея қўшимча қилди маҳкама.
