Yunusoboddagi ko‘p qavatli uyda yong‘in sodir bo‘ldi

FVV ma’lumotiga ko‘ra, Yunusobod tumani 12-dahada joylashgan ko‘p qavatli uyning taxminan 150 kv.m maydonida tom qismi yonib zararlangan.

O‘t o‘chiruvchilar voqea joyiga 19:21 da yetib borib, 30 daqiqa ichida yong‘inni bartaraf etgan. Olovni o‘chirish uchun 4 ta yong‘in-qutqaruv ekipaji va 2 ta avtonarvon jalb etilgan.

Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.