33 yashar “uchastkavoy” 4 kundan beri qidirilmoqda.
Profilaktika inspektori 31 iyul kuni Mirishkor tumani hududidagi Sechanko‘l tabiiy suv havzasida cho‘milayotib yo‘qolib qolgan. Kun.uz manbasining xabar berishicha, tumanning Pomuq cho‘l zonasida 4 nafar profilaktika inspektorlari ketayotgan mashina buzilib qolgan. Hamma uni tuzatish bilan andarmon bo‘lib turgan vaqtda “uchastkavoy”lardan biri ko‘lda cho‘milishga qaror qiladi.
Biroq u hadeganda qaytavermagach, sheriklari 33 yashar xodimni qidirishga tushishadi. U 4 kundan beri qidirilmoqda, biroq haligacha na o‘zi va na murdasi topildi. Tumandagi “Barhayot” MFY profilaktika inspektori bo‘lib faoliyat yuritgan yigit cho‘kib ketgan bo‘lishi mumkin
Kun.uz’ning ichki ishlar organlaridagi manbasi holat yuzasidan prokuratura organi tomonidan tekshiruv o‘tkazilayotganini bildirdi.
30 iyul kuni Kattaqo‘rg‘on suv omborida qayiq ag‘darilib ketishi oqibatida 21, 25, 22 va 21 yoshdagi chiroqchilik 4 yigit cho‘kib ketgani, ular bilan bir qayiqda bo‘lgan 3 nafar yigit esa qirg‘oqqa suzib chiqa olgani haqida xabar berilgandi.
