Ukraina bo‘ylab zarbalar oqibatlari va front chizig‘iga kelgan Zelenskiy. Urush suratlari

Ukrainadagi urushning 674-kuni o‘tdi. Asosiy ma’lumotlar: 

• Rossiya qo‘shini Ukraina bo‘ylab yopirilma zarbalar yo‘lladi. Jami 40 ga yaqin kishi halok bo‘lgan, 160 dan ortiq kishi yaralangan. Ukraina rasmiylariga ko‘ra, Rossiya 110 ga yaqin raketa uchirgan.
• Polsha havo kengliklariga Ukraina tomondan «noma’lum obekt» kirib kelgan. Mamlakat bosh shtabi ma’lumotiga ko‘ra, bu rossiyaliklar raketasi bo‘lgan.
• Sevastopoldagi mahalliy nashrlar Feodosiya portidagi «Novocherkassk» yirik desant kemasiga raketa zarbasi oqibatida 74 kishi halok bo‘lganini xabar qildi. Bu ma’lumot rasman tasdiqlanmagan.
• Volodimir Zelenskiy Ukraina qurolli kuchlarining Avdiyivkadagi oldingi pozitsiyasiga keldi.
• «Mediazona» va BBC rus xizmati Ukrainadagi urushda halok bo‘lgan 40 599 nafar rossiyalik harbiyning shaxsini tasdiqladi.

Kunning asosiy voqeasi. Ukrain shaharlari bo‘ylab zarbalar

29 dekabrga o‘tar kechasi RF qurolli kuchlari ukrain shaharlari bo‘ylab yopirilma zarbalar yo‘lladi. Ukraina prezidenti Volodimir Zelenskiyning so‘zlariga ko‘ra, jami 110 ga yaqin qanotli va zenit raketalar, shuningdek Shahed zarbdor dronlari uchirilgan. Ukraina QK havo kuchlari rasmiysi Yuriy Ignat «monitorda bu qadar ko‘p nishon bo‘lishi avval hech qachon kuzatilmagani»ni tan olgan. Zarbalar Kiyev, Odessa, Xarkiv, Zaporijjya, Lviv va boshqa shaharlar bo‘ylab berilgan. So‘nggi ma’lumotlarga ko‘ra, hujum qurbonlari soni kamida 38 kishini tashkil etmoqda, yana 160 dan ortiq kishi jarohatlangan. Xarobalar ostida yana odamlar qolgan bo‘lishi va qurbonlar soni yanada oshishi mumkin.

Kiyev

Toretsk

Zaporijjya

Xarkiv 

Odessa 

Dnipro 

Lviv 

Avdiyivkaga kelgan Zelenskiy

Ukraina prezidenti Volodimir Zelenskiy 29 dekabr kuni Donetsk oblastidagi Avdiyivka shahriga kelib, shaharni Rossiya armiyasi yurishidan himoya qilayotgan 110-alohida mexanizatsiyalashgan brigadasi jangchilarini taqdirladi. RF QK tomonidan oktyabr oyidan buyon shturm qilinayotgan Avdiyivka ayni vaqtda frontning eng qaynoq nuqtasi bo‘lib turibdi. Shaharda bo‘lgan «Ukrainskaya pravda» jurnalistlari bu yerdagi uylarning aksar qismi bombardimon qilingani, shaharda qolgan aholi sovuq yerto‘lalarda kun kechirayotgani haqida xabar qilgan.

Xerson oblastida ukrainlar bombardimonchisi 

Chasiv Yardagi pensioner hayoti

Chasiv Yar — frontdagi shaharlardan biri bo‘lib, Baxmutdan 13 kilometr g‘arbda joylashgan; Ukraina qurolli kuchlarining ushbu yo‘nalishdagi asosiy ta’minot yo‘li shu yerdan o‘tadi. Baxmut uchun jang boshlanganidan buyon Rossiya qo‘shini Chasiv Yar bo‘ylab ham zarbalar berib keladi.

84 yoshli Anatoliy — Chasiv Yarda qolishga qaror qilgan 900 chog‘li kishilardan biri. Quyida u qanday sharoitlarda yashayotgani aks etgan suratlar.

Ukrain askarining dafn marosimi