Qoʻshimcha funksionallar
-
Tungi ko‘rinish
«Milliy bog‘» metro bekatida poyezd texnik nosozlik sabab to‘xtatildi
Harakat tarkibidagi havo kompressorining bosimi me’yor talablarida emasligi aniqlangan va poyezddagi yo‘lovchilar bekatga tushirilgan.
Joriy yilning 14 noyabr kuni soat 21:48 lar atrofida «Milliy bog‘» bekatidan harakatlangan 24-sonli harakat tarkibidagi havo kompressorining bosimi me’yor talablarida emasligi aniqlandi, deb xabar beradi Toshkent metropoliteni.
Shu bois belgilangan yo‘riqnomaga asosan, ushbu harakat tarkibi harakatdan to‘xtatilgan. Shundan so‘ng poyezddagi yo‘lovchilar bekatga tushirilgan va ortdan yuborilgan boshqa harakat tarkibi orqali tirkamaga olingan holda elektrodepo tomon olib ketilgan.
«Hozirgi vaqtda yo‘nalishdagi poyezdlar belgilangan jadval asosida harakatlanmoqda. Keltirilgan noqulaylik yuzasidan yo‘lovchilardan uzr so‘raymiz», — deyiladi xabarda.
11 noyabr kuni «O‘zbekiston» metro bekatidan harakatlanishi lozim bo‘lgan harakat tarkibida texnik jihatdan nosozlik holati kuzatilgandi. Undan oldin esa Toshkent metrosida poyezdning nosoz holati sabab juda katta tirbandlik yuzaga kelgani haqida xabar berilgan edi.
Mavzuga oid
20:42 / 20.11.2024
Toshkent metrosida hojatxona quriladigan 9 ta bekat nomi ma’lum bo‘ldi
07:54 / 18.11.2024
Toshkent - Buxoro - Toshkent yo‘nalishida yangi poyezd qatnovi yo‘lga qo‘yiladi
20:45 / 12.11.2024
Angliyada birinchi akkumulyatorli poyezd sinovdan muvaffaqiyatli o‘tdi. U soatiga 120 km tezlikka chiqdi
10:47 / 07.11.2024