Elektron soliq xizmatlarining ish faoliyati vaqtinchalik cheklanadi

Soliq qo‘mitasining katta hajmli ma’lumotlar bazasi bosqichma-bosqich yangi serverlarga migratsiya qilish jarayoni davom etmoqda, deb xabar beradi qo‘mita matbuot xizmati.

Shu munosabati bilan, 2024 yil 7 dekabr soat 00:00 dan 10 dekabr soat 06:00 ga qadar ayrim axborot tizimlari va elektron soliq xizmatlarining ish faoliyati vaqtinchalik cheklanadi.

Xususan:

• Elektron hisobotlar;
• ERI;
• EHF (7-8 dekabr kunlari);
• Notarial idoralari tomonidan fuqarolik holati bo‘yicha ma’lumot qabul qilish;
• korxonalarni ixtiyoriy va majburiy tugatish;
• mahsulotlar (tovar va xizmatlar) yagona elektron milliy katalogi (tasnif.soliq.uz);
• fiskal ma’lumotlar operatori bilan bog‘lanishlar;
• elektron murojaatlar va boshqa xizmatlarda uzilishlar kuzatiladi.

«Keltirilgan noqulayliklar uchun oldindan uzr so‘raymiz», — deyiladi xabarda.

Eslatib o‘tamiz, oktyabr va noyabr oxirlarida ham Soliq qo‘mitasi katta hajmdagi ma’lumotlar yangi serverlarga migratsiya qilinayotgani sabab besh kunga onlayn NKT cheklarini tahrirlash imkoniyati vaqtinchalik cheklagandi.