“Электрон солиқ хизматларининг иш фаолияти вақтинчалик чекланади “— Солиқ қўмитаси

Солиқ қўмитасининг катта ҳажмли маълумотлар базасини босқичма-босқич янги серверларга миграция қилиш жараёни давом этмоқда, деб хабар беради қўмита матбуот хизмати.

Шу муносабат билан, 2024 йил 30 ноябр соат 00:00 дан 2 декабр соат 06:00 га қадар айрим ахборот тизимлари ва электрон солиқ хизматларининг иш фаолияти вақтинчалик чекланади.

Хусусан:

Munis ва онлайн тўлов тизимлари орқали солиқ тўловлари;
фуқароларнинг ШЖБП фондига тўловлар;
қуёшли хонадон;
декларация юбориш;
корхоналарни ихтиёрий ва мажбурий тугатиш;
электрон мурожаатлар ва бошқа хизматларда узилишлар кузатилади.

«Келтирилган ноқулайликлар учун олдиндан узр сўраймиз», — дейилади хабарда.

Эслатиб ўтамиз, октябр охирларида ҳам Солиқ қўмитаси катта ҳажмдаги маълумотлар янги серверларга миграция қилинаётгани сабаб беш кунга онлайн НКТ чекларини таҳрирлаш имконияти вақтинчалик чеклаганди.