Jizzax viloyati hokimiga yangi o‘rinbosar tayinlandi

Favqulodda vaziyatlar vazirligi tizimida faoliyat yuritib kelgan Shuhrat Jo‘rayev Jizzax viloyati hokimiga o‘rinbosar bo‘ldi.

Foto: Jizzax viloyati hokimli

Shuhrat Jo‘rayev Jizzax viloyati hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari vazifasini bajaruvchisi etib tayinlandi. Bu haqda Jizzax viloyati hokimligi matbuot xizmati xabar berdi.

Shuhrat Jo‘rayev 1968 yilda Jizzax viloyati G‘allaorol tumanida tug‘ilgan. Tayinlovga qadar Favqulodda vaziyatlar vazirligida faoliyat yuritgan.

Jo‘rayevdan oldin mazkur lavozimda Hamid Hasanov ishlab kelayotgan edi. Qayd etilishicha, u 2025 yil 3 martda lavozimdan olingan.

Eslatib o‘tamiz, 2024 yil dekabr oyida Zafar Azimov Jizzax viloyati hokimining iqtisod masalalari bo‘yicha o‘rinbosari, Muqaddam Qashqadaryo viloyati hokimi bo‘lgan Zafar Ro‘ziyev esa viloyat hokimining qishloq xo‘jaligi masalalari bo‘yicha o‘rinbosari lavozimiga tayinlangan edi.