Tramp AQSh va Xitoy tarif sulhini uzaytirish to‘g‘risida qaror qabul qiladi

AQSh va Xitoy rasmiylari bojxona sulhini uzaytirishga intiladi, ammo yakuniy qarorni Tramp qabul qiladi, dedi AQSh Moliya vazirligi rahbari. Vashington u yana 90 kunga uzaytirilishi mumkinligini bildirdi.

Foto: Getty images

AQSh va Xitoy rasmiylari 12 avgustda muddati tugaydigan 90 kunlik bojxona sulhini uzaytirishga intiladi. Ikki delegatsiyaning Stokholmdagi ikki kunlik muzokaralari katta muvaffaqiyatlarsiz yakunlandi, deya xabar beradi AFP va Reuters agentligi 29 iyul, seshanba kuni.

AQSh prezidenti Donald Tramp bojlarni kechiktirish bo‘yicha kelishuvni uzaytirish to‘g‘risida qaror qabul qilishi kerak, dedi AQSh moliya vaziri Skott Bessent uchrashuv yakunlari bo‘yicha.

«Biz unga jarayonimiz qanday o‘tgani haqida hisobot beramiz. Biz, albatta, konstruktiv uchrashuvlar o‘tkazdik, bu ijobiy hisobot bilan qaytish imkoniyatini beradi. Lekin u (Tramp) pauzani uzaytirish masalasini o‘zi hal qiladi», — dedi AQShning savdo muzokaralaridagi vakili Jyeymison Grir. Ehtimoliy variantlardan biri sulhni yana 90 kunga uzaytirishdir, deya Grirning so‘zlaridan iqtibos keltirgan Reuters.

Trampning so‘zlariga ko‘ra, u allaqachon Bessent bilan gaplashgan. «U uchrashuv haqida juda yaxshi gapirdi — kechagidan yaxshiroq», dedi Oq uy rahbari Shotlandiyada besh kun bo‘lganidan so‘ng Vashingtonga qaytish chog‘ida Air Force One bortida jurnalistlarga.