Kiyevning tungi o‘qqa tutilishi: 3 kishi halok bo‘ldi, 18 kishi yaralandi

28 avgust, payshanbaga o‘tar kechasi Rossiyaning Kiyevni o‘qqa tutishi natijasida uch kishi, jumladan, 14 yoshli bola halok bo‘ldi, yana kamida 18 kishi yaralandi, deya xabar bermoqda Ukraina poytaxti rasmiylari.

Kiyev shahar harbiy ma’muriyati rahbari Timur Tkachenkoning so‘zlariga ko‘ra, jarohatlanganlar orasida 10 va 18 yoshli ikki aka-uka ham bor, 10 yoshli bola kasalxonaga yotqizilgan. Bundan tashqari, 17 yoshli o‘smir jarohat olgan.

Kiyevning bir qancha tumanlari yirik havo hujumiga uchragan. Darnitskiy tumanida besh qavatli turar joy binosi va 16 qavatli bino «sezilarli» shikastlangan. «Darnitskiy tumanida birinchi qavatdan beshinchi qavatgacha bo‘lgan besh qavatli binoga zarar yetdi», — dedi Kiyev meri Vitaliy Klichko.