Kelasi 10 kunlikda quruq ob-havo hukmron bo‘lishi kutilyapti

Mutaxassisga ko‘ra, prognozlar sentabrning oxiri va oktyabrning boshida quruq va salqin ob-havo bo‘lishini ko‘rsatmoqda. 

Unga ko‘ra, bu kabi ob-havo muhiti xalq tilida mezon deyiladi. Bunday davrda kunduz kunlari harorat tanga yoquvchi quyosh nurlarini, tunlar esa etni junjituvchi salqinlikni taqdim etadi.

Oktyabr boshlarida sentabrning so‘nggi kunlariga nisbatan kunduz kunlari ham, kechalari ham havo harorati 3-4 darajaga pasayadi. 

Erkin Abdulahatovning qayd etishicha, kelayotgan oktyabr ko‘p yillik o‘rtacha darajadagi oktyabr ob-havosiga mos bo‘lishi, ayrim viloyatlarda sovuqroq bo‘lishi mumkin.