Rossiyaning Kiyevga tungi hujumi: 14 kishi jabrlandi

14 noyabrga o‘tar kechasi Rossiya qo‘shinlari Kiyevni dronlar va ballistik raketalar bilan ommaviy tarzda nishonga oldi. Kiyev shahar harbiy ma’muriyati boshlig‘i Timur Tkachenkoga ko‘ra, kamida 14 kishi jabrlandi, ular orasida homilador ayol ham bor.

Xabar qilinishicha, turar joy uylari Podol, Dnipro, Desnyan, Solomen, Svyatoshin va Obolon tumanlarida shikastlangan. Goloseyev tumanida parcha-qoldiqlar tushishi oqibatida tibbiyot muassasasida yong‘in sodir bo‘ldi, Shevchenko tumanida esa ma’muriy bino yonib ketgan. Ukraina poytaxti meri Vitaliy Klichko ma’lumotiga ko‘ra, issiqlik tarmoqlarining ayrim uchastkalari shikastlangan. Desnyan tumanida bir qator binolarga vaqtincha issiqlik ta’minoti to‘xtagan.

Kiyev viloyatida yana olti nafar jabrlanuvchi borligi ma’lum. Ular orasida bir bola ham bor, deb ma’lum qildi viloyat harbiy ma’muriyati rahbari Nikolay Kalashnik.

14 noyabr kechasi Xarkiv, Cherkassk, Chernixiv va Sumi viloyatlari hokimiyatlari ham pilotsiz uchish apparatlari (dron) xavfi haqida axborot bergan.