Toshkentda namlik purkovchi ulkan qurilma sinovdan o‘tkazilmoqda

Poytaxt hokimligi suv mikrozarrachalarini uzoq masofalarga purkovchi dispersiya qurilmasini sinovdan o‘tkazishga kirishdi.

Toshkent shahar hokimligi e’lon qilgan videodan kadrlar

Bu – poytaxt sharoitiga moslashtirilayotgan innovatsion vositalardan biri, deyiladi hokimlik bayonotida.

Uskunani o‘rnatish uchun tanlangan ilk joylardan biri – Olmazor tumanidagi Taxtapul massivida joylashgan 1-sonli yuqumli kasalliklar shifoxonasi.

Sinov tafsilotlari keyinroq ma’lum qilinadi.

Avvalroq O‘zgidromet havo ifloslanishi joriy hafta oxirigacha davom etishini ma’lum qilgandi.

24 noyabr kuni prezident Shavkat Mirziyoyev “Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida” farmon imzoladi. Hujjat bilan, poytaxtda ekologik muammolarni hal etish bo‘yicha maxsus komissiya tuzildi.