Qoʻshimcha funksionallar
-
Tungi ko‘rinish
Eron oliy rahbarining bevasi jarohatlar oqibatida vafot etdi
79 yoshli Mansura Baqirzoda ham AQSh va Isroilning Tehronga bergan qo‘shma zarbasi oqibatida jarohat olgan edi.
Foto: Getty images
Eronning halok bo‘lgan oliy rahbari Ali Xominaiyning rafiqasi Mansura Xo‘jaste Baqirzoda yaralanganidan bir necha kun o‘tib vafot etdi, deb yozdi Al Alam. Ayol so‘nggi bir necha kun davomida koma holatida edi.
79 yoshli Mansura Baqirzoda ham AQSh va Isroilning Tehronga bergan qo‘shma zarbasi oqibatida jarohat olgan. U 1947 yilda tadbirkor oilasida tug‘ilgan, 1964 yilda Xominaiyga turmushga chiqqan. Bundan tashqari, u Eron teleradiokompaniyasi (IRIB) direktorining sobiq o‘rinbosari Hasan Xo‘jaste Baqirzodaning singlisi edi. Ayol jamoatchilik e’tiboridan chetda yashagan.
Ali Xominaiy 2026 yil 28 fevralda e’lon qilingan AQSh va Isroilning qo‘shma operatsiyasi oqibatida o‘ldirildi.
Eron hukumati 40 kunlik umummilliy motam e’lon qildi va mamlakat aholisiga yetti kunlik dam olish kuni berdi. Eron prezidenti Mas’ud Pizishkiyon oliy rahbarning o‘ldirilishini dahshatli jinoyat deb atadi va buning uchun qasos olishga va’da berdi.
Havo hujumi oqibatida Xominaiy bilan birga uning qizi, kelini va kuyovi ham halok bo‘lgani haqida xabar berildi, ammo aniq ismlar rasman e’lon qilinmadi. Xominaiyning jami olti farzandi - to‘rt o‘g‘il va ikki qiz, shuningdek, yetti nabirasi bor edi.
AQSh va Isroilning Eronga tajovuzi
Mavzuga oid
23:17
Biz oson g‘alaba qozonamiz – Tramp urush boshlanganidan keyin ilk marta jonli efirda nutq so‘zladi
22:50
“Dubay va Abu-Dabi portlagan raketa hidiga to‘lib ketdi” – qozog‘istonlik jurnalist
22:18
Tramp AQSh Eronga hali jiddiy zarba berishni boshlamaganini aytdi
20:57