Shavkat Mirziyoyev amaliy tashrif bilan Ostonaga keldi

O‘zbekiston prezidenti Shavkat Mirziyoyev Qozog‘iston prezidenti Qosim-Jo‘mart To‘qayevning taklifiga binoan amaliy tashrif bilan Ostona shahriga yetib bordi.

Foto: Prezident matbuot xizmati

Prezident matbuot xizmatining ma’lum qilishicha, Ostona aeroportida O‘zbekiston yetakchisini Qozog‘iston bosh vaziri O‘ljas Bektenov va boshqa rasmiylar kutib oldi.

Shavkat Mirziyoyev tashrif dasturiga muvofiq — davlat rahbari maqomida Oliy Yevrosiyo iqtisodiy kengashining navbatdagi yig‘ilishida ishtirok etadi.

Ushbu Kengash — Yevrosiyo iqtisodiy ittifoqining yuqori organi bo‘lib, unga Armaniston, Belarus, Qozog‘iston, Qirg‘iziston va Rossiya a’zo davlatlar hisoblanadi. O‘zbekiston, Kuba va Moldova kuzatuvchi davlat maqomida.