Yer uchastkasini masofadan turib xususiylashtirish imkoniyati yaratildi
O‘zbekistonda endi yer uchastkasini masofadan turib xususiylashtirish mumkin. Bu haqda «Yagona portal» xabar berdi.
![](https://storage.kun.uz/source/8/Rq3-vBz78JexO4QFTdCzxAzi7BkBDHe4.jpg)
Foto: Shutterstock
Qayd etilishicha, Vazirlar Mahkamasining 14 fevraldagi 71-sonli qarori bilan jismoniy va yuridik shaxslar o‘zlariga tegishli yer uchastkalarini xususiylashtirishi mumkin bo‘ldi.
Fuqarolar yakka tartibdagi uy-joy, yuridik shaxslar esa noturar bino-inshootlarga ega. Endi ular o‘zlariga tegishli ko‘chmas mulk – yer uchastkalarini (ko‘p qavatli uylar bundan mustasno) kadastr hujjatlarini rasmiylashtirish orqali xususiylashtirishi mumkin (agar bino kadastrdan o‘tmagan bo‘lsa, yer xususiylashtirilmaydi).
Shu kunga qadar fuqarolarga tegishli uy-joylar joylashgan yer uchastkalari, meros qilib qoldirilgan umrbod egalik qilish huquqidagi yerlar, tadbirkorlik faoliyati bilan shug‘ullanadigan noturar joy obektlarining yer uchastkalariga doimiy foydalanish huquqi berilgan. Ya’ni, bino o‘zingizga tegishli bo‘lsa ham, uning yeri davlatniki bo‘lgan.
Endi mana shu yer uchastkalarini xususiylashtirish uchun jismoniy va yuridik shaxslar my.gov.uz orqali onlayn murojaat qilishi mumkin.
Kelib tushgan ariza Kadastr agentligi va Qurilish bo‘limlariga yo‘naltiriladi. Kadastr bo‘limlari yer uchastkasining ariza bergan fuqaro nomiga rasmiylashtirilganmi yoki yo‘qmi, ya’ni ro‘yxatdan o‘tkazilganini tekshiradi. Bunda yer uchastkasi o‘zgarmagani, bugungi kunda ham reyestrda mavjudligi, taqiq va cheklovlar yo‘qligi, xususiylashtirishga monelik qilmaydigan tomonlari tekshirib chiqiladi.
Qurilish bo‘limlari esa yer uchastkasi hududining shaharsozlik me’yorlariga mos kelishini o‘rganadi. Barcha tekshiruvlardan o‘tgach, fuqaroga xususiylashtirish haqida xabarnoma yuboriladi va talabgor to‘lovni amalga oshiradi.
Ma’lum qilinishicha, arizani ko‘rib chiqish uchun 24 300 so‘m miqdorida yig‘im undiriladi. Shu bilan birga, yer uchastkasini xususiylashtirish uchun differensial to‘lov undiriladi.
Mulkdorlar uchun xususiylashtirish to‘lovi yer uchastkasiga hisoblangan soliq miqdorining 20 barobari deb belgilangan. Masalan: agar fuqaro bitta hovliga yiliga 100 ming so‘m soliq to‘lasa (bunda mol-mulk solig‘i qo‘shib hisoblanmaydi, aynan yer uchastkasiga to‘lanadigan soliqqa nisbatan hisoblanadi), xususiylashtirish uchun 2 mln so‘m to‘lov amalga oshiriladi. Shundan so‘ng o‘sha yer uchastkasiga bo‘lgan davlat orderi beriladi. Ushbu order asosida kadastr organlari yer uchastkasiga nisbatan mulk huquqini davlat ro‘yxatidan o‘tkazishadi.
Har bir jismoniy va yuridik shaxs o‘ziga tegishli bo‘lgan yer uchastkasini faqat o‘zigina sotib oladi. Bu auksionga qo‘yilmaydi va boshqa odam sotib olishi yoki boshqa odamga o‘tib ketishi mumkin emas.
Mavzuga oid
![](https://storage.kun.uz/source/thumbnails/_medium/10/2GZqJgiCOONUVKbyhKNeKeKFTaFrMdfR_medium.jpg)
11:47 / 29.08.2024
O‘zbekiston Dubaydagi yirik biznes vakillarini xususiylashtirish loyihalariga jalb qiladi
![](https://storage.kun.uz/source/thumbnails/_medium/10/WsPnSusUNo39WfvIc0MIK68SUnq-wrD7_medium.jpg)
08:31 / 28.08.2024
Rossiya Ukraina bilan urush qatnashchilariga Qrimdan yer beradi
![](https://storage.kun.uz/source/thumbnails/_medium/10/sUEX51BY_nqBFaCd5wEvPOzDVEeuSAtc_medium.jpg)
19:58 / 23.08.2024
“Ximikat”siz pishgan tarvuzlar - qirni o‘rmonga aylantirayotgan Otabek hikoyasi
![](https://storage.kun.uz/source/thumbnails/_medium/10/Jy6LMA4fmPqcvHcctAMDfiYM4I5Z8RQ8_medium.jpg)
09:07 / 23.08.2024