17:02 / 08.06.2017
8666

Toshkent poliklinikalari tez va shoshilinch tibbiy yordam ko‘rsata boshlaydi

Foto: O‘zA

Toshkent shahrining tuman markaziy ko‘p tarmoqli va oilaviy poliklinikalari tunu kun faoliyat ko‘rsatadigan mobil, diagnostika va davolash standartlariga muvofiq yaxshi jihozlangan tez tibbiy yordam kichik stansiyasidan foydalangan holda, shifoxonaga yotqizishdan oldingi tez va shoshilinch tibbiy yordam ko‘rsatadi. Bu haqda O‘zbekiston Prezidentining 6 iyun kungi qarorida aytiladi.

Toshkent shahri hokimligi profilaktika va patronaj ishlarini hamda biriktirilgan aholiga tez tibbiy yordam ko‘rsatishni yaxshilash uchun har bir oilaviy poliklinikani va tuman markaziy ko‘p tarmoqli poliklinikalarini ikkita maxsus avtomobil bilan ta'minlaydi. 

Toshkent shahridagi oilaviy poliklinikalar rahbarlari va mutaxassislarining biriktirilgan fuqarolarning o‘zini o‘zi boshqarish organlari aholisi oldida, tuman markaziy ko‘p tarmoqli poliklinikalari rahbarlari va mutaxassislarining xalq deputatlari shahar Kengashi sessiyalarida har chorakda hisobot beradi.

2017-2018 yillar yakunlari bo‘yicha maxsus komissiya to‘plangan ijobiy tajribani respublikaning boshqa shaharlarida joriy etishning maqsadga muvofiqligi to‘g‘risida aniq takliflar kiritishi mumkin.

Top