Foto: Thinkstock
Toshkentda metallurgiya zavodi quriladi. Bu prezidentning «2018-2019 yillarda investitsiya va infratuzilma loyihalarini amalga oshirishni tezlashtirish bo‘yicha qo‘shimcha chora-tadbirlar to‘g‘risida»gi qarorida nazarda tutilgan.
Zavod qurilishi korxonalarning o‘z mablag‘lari, to‘g‘ridan-to‘g‘ri xorijiy investitsiyalar, tijorat banklari kreditlari hisobidan moliyalashtiriladi.
Loyiha quvvati - 500 ming tonna. Zavod 2019 yilga qadar qurilishi mo‘ljallangan.
Qarorda qayd etilishicha, ushbu zavod Toshkent shahrining Sergeli tumanida joylashadi. Xorijiy investor - Buyuk Britaniyaning «Quality Trade Supplies L.P.». Loyihaning umumiy qiymati - 335 mln dollar, 2018 yilda 85,8 mln dollarni o‘zlashtirish nazarda tutilgan.
