AQSh aviakompaniyalari xizmatlaridan foydalanuvchi yo‘lovchilar parvoz vaqtida niqob taqishlari shart bo‘ladi. Agar ushbu talab bajarilmasa, aviakompaniya qoidabuzarni samolyotga olmaslikka haqqi bo‘ladi.

Ta'kidlanishicha, ushbu qarorni AQShning Alaska Airlines, American Airlines, Delta Air Lines, Hawaiian Airlines, JetBlue Airways, Southwest Airlines va United Airlines kabi yirik aviakompaniyalarini birlashtiruvchi Airlines for America qabul qilgan.
  
“Har bir aviakompaniya yuzni yopish siyosatiga amal qilmaydigan yo‘lovchilarga nisbatan ko‘riladigan choralarni o‘zi belgilaydi. Bunday yo‘lovchilar hattoki aviakompaniya samolyotida uchish parvozidan mahrum etilishi mumkin”, deb aytilgan xabarda.

Ta'kidlanishicha, ushbu taqiqlov hukumat tomonidan koronavirus tarqalishiga qarshi qabul qilingan cheklovlar amal qilishi yakunlangungacha saqlanib qoladi.