Juma kuni Turkiya Sinop shahri hududida S-400 tizimlarini sinovdan o‘tkazgani xabar qilindi.
AQSh Turkiya Rossiyaning S-400 zenit-raketa tizimlari bilan qurollanmasligiga umid qiladi, aks holda uni xavfsizlik sohasida jiddiy oqibatlar kutadi. Bu haqda AQSh davlat departamenti matbuot xizmati rahbari Morgan Ortegus ma'lum qildi.
«Qo‘shma Shtatlar S-400 qurollanishga kiritilmasligiga umid qilayotganligini bildiradi. Shuningdek, biz agar Turkiya tizim bilan qurollanadigan bo‘lsa, xavfsizlik sohasidagi munosabatlarimiz uchun ehtimoliy jiddiy oqibatlar borasida ham aniq-ravshan fikrdamiz», - dedi u.
Uning so‘zlariga ko‘ra, agarda Turkiyaning S-400 tizimini sinovdan o‘tkazgani tasdiqlansa, AQSh buni «eng keskin tarzda» qoralashini bildirdi. Chunki Rossiya zenit-raketa tizimlari sinovi Turkiyaning NATO hamda AQShning strategik hamkori doirasidagi «majburiyatlariga mos kelmaydi».
«Biz sinovlardan xabardormiz. Qo‘shma Shtatlar Turkiya hukumatiga Rossiyaning S-400 kabi harbiy tizimlarini olish nomaqbul ekanligini eng yuqori darajada ma'lum qildik», - dedi Ortegus.
Juma kuni Turkiya Sinop shahri hududida S-400 tizimlarini sinovdan o‘tkazgani xabar qilindi.
Turkiyaga S-400 tizimlarini yetkazib berish 2019 yil iyul oyida boshlangandi.
Vashington Rossiya texnikasidan voz kechishni va uning o‘rniga AQShning Patriot majmualarini sotib olishni talab qilgandi. Anqara bu talabga rozi bo‘lmadi.