17:33 / 17.03.2021
19922
Karantin kuchaytirilishi vaksinani sotish bilan bog‘liq degan gaplarda mantiq yo‘q – Nurmat Otabekov

Bugun, 17 mart kuni Axborot va ommaviy kommunikatsiyalar agentligida “SOVID-19 bilan bog‘liq bugungi vaziyat, vaksinatsiya jarayonlariga tayyorgarlik” mavzusida matbuot anjumani bo‘lib o‘tmoqda.

Kun.uz muxbiri xabariga ko‘ra, anjumanda sog‘liqni saqlash tizimi vakillariga karantin qoidalarining kuchaytirilishi vaksinani sotish jarayoni bilan qanchalik bog‘liq ekani haqida savol berildi. Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Nurmat Otabekovning so‘zlariga ko‘ra, bunday gaplarda mantiq yo‘q.

“Ataylab vaksinani xarid qilish uchun kasallik bo‘rttirib ko‘rsatilyapti, degan gaplarda mantiq yo‘q. Kasallik bolalar orasidan ko‘payyapti, biz esa 18 yoshdan yuqorilarni emlashni rejalashtiryapmiz. 

Karantin cheklovlariga kelsak, bunday bo‘lishiga o‘zimiz sababchimiz. Chunki niqob taqish, antiseptik vositalardan foydalanish, masofa saqlash qoidalarini unutib qo‘ydik. Biz haddan ortiq xotirjamlikka berilib ketdik, mana shu holat vaziyat jiddiylashuviga sabab bo‘lyapti”, – dedi maxsus komissiya a'zosi.

Avvalroq, Sanitariya-epidemiologik osoyishtalik va jamoat salomatligi xizmati rahbari Bahodir Yusupaliyev O‘zbekiston faqat AstraZeneca vaksinasi bilan cheklanmasligini bildirgandi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top